Выдавецтва “ЮрСаПрынт”, Гродзенская абласная навуковая бібіліятэка ім. Я. Карскага, шчыра запрашае на прэзентацыю кнігі А.П. Госцева “Известные уроженцы Гродненской области”, якая адбудзецца ў зале перыёдыкі абласной бібліятэкі ( вул. Карскага, 20) 19 мая 2016 г.
Кніга “Известные уроженцы Гродненской области” – працяг серыі «Факел истины», створанай А.П. Госцевым у 2015 г.(першая кніга серыі- «Известные личности Гродно» была выдадзена ў 2015 г. )
Кнігу складаюць разгорнутыя біяграфіі вядомых навукоўцаў, медыкаў, педагогаў, пісьменнікаў, мастакоў, музыкаў, рэлігійных дзеячоў, якія нарадзіліся на Гарадзеншчыне.
У дадатках падаецца старажытная гісторыя Прынямоння, гісторыка-культурнае апісанне дзесяці раёнаў гродзенскай вобласці, а так сама Хроніка горада Гродна 1844-1991 гг.
Варта адзначыць, што 22 года таму, 19 мая, у памяшканні Тэатра лялек адбылася прэзентацыя славутай кнігі “Кронан”, аднім з аўтараў якой з’яўляецца Алесь Госцеў. “Кронан” – гэта ўжо больш чым кніга, гэта своеасаблівы “букіністычны” сімвал нашага горада. Гэта кніга прывабіла не адное пакаленне гарадзенцаў да вывучэння гісторыі Гародні, а гісторыкаў і краязнаўцаў горада– да спакусы пісаць, і выдаўцоў – выдаваць.
Кнігу “Известные уроженцы Гродненской области” можна набыць у кнігарнях “Раніца”, “Праметэй” (Гродна), Акадэмкніга (Мінск), а так сама пад час прэзентацыі.
